Европарламент Европа Иттифоқини Россияга қарши санкцияларни узайтиришга, Москвани эса Олег Сенцовни озод қилишга чақирувчи резолюцияни қабул қилди. Бу ҳақда «РИА Новости» хабар берди.
Ҳужжатни қабул қилиш учун 485 нафар депутат овоз берди, 76 киши бунга қарши чиққан бўлса, 66 нафар депутат бетараф бўлган.
Резолюцияда Иттифоқнинг аъзо давлатларини Россияга қарши қўлланилган санкцияларга нисбатан қатъийлик ва бирликни сақлаб қолишга ва уларни узайтиришга чақирувлар мавжуд.
Бундан ташқари, депутатлар Москвани Олег Сенцовни ва яна 70 нафар украиналикни озод қилишга чақирувни қўллаб-қувватлаган.
«Россияда футбол бўйича жаҳон чемпионати бошланаётган кунда Европа парламенти Россияни инсон ҳуқуқларини таъминлаш бўйича ўзининг ички ва халқаро мажбуриятларини бажаришга чақиради», — дейилади парламент хабарида.
Изоҳ (0)