Universal Pictures компанияси режиссёр Дэмьен Шазелл томонидан суратга олинган «Ойдаги илк инсон» («First Man») фильми илк трейлерини эълон қилди.
Meduza’нинг ёзишича, ушбу биографик драма Жеймс. Р. Хансеннинг «Ойдаги илк инсон: Нил Армстронг ҳаёти» номли китоби асосида суратга олинган.
Ойга биринчи бўлиб қадам қўйган астронавт Нил Армстронг ролини Райан Гослинг ижро этган. Армстронгнинг биринчи рафиқаси Женет Шерон ролини Клэр Фой, Ойга иккинчи бўлиб қадам қўйган Базз Олдрин ролини эса Кори Столл ижро этган.
«Ойдаги илк инсон» фильми 2018 йил ноябрида МДҲ кинопрокатига чиқарилиши кутилмоқда.
Изоҳ (0)