Ўзбек ва қирғиз киноижодкорлари Чингиз Айтматовнинг «Сарвқомат дилбарим» қиссаси асосида фильм суратга олади. Бу ҳақда Sputnik хабар бермоқда.
Қирғизмстонлик продюсер Паризод Жакипбековага кўра, сценарий Керез Зарликова томонидан ёзилган, режиссёр сифатида эса ўзбекистонлик Сарвар Каримов танланган.
— Картинани суратга олиш учун жами 200 минг доллар керак бўлади. Маблағнинг бир қисми Президент Шавкат Мирзиёев имзолаган Ўзбекистонда Чингиз Айтматовнинг 90 йиллигини нишонлаш тўғрисидаги қарор доирасида ажратилади. Қисса асоси ўзгармай қолади, фақат воқеаларни бугунги кунларга кўчирамиз, — деди Паризод Жакипбекова.
Фильмни суратга олиш ишлари Тошкент, Наманган ва Балиқчи шаҳарларида бўлиб ўтади.
Ундаги бош ролларни ўзбекистонлик Адиз Ражабов ва Улуғбек Қодиров ҳамда қирғизистонлик Мадина Толиббек ва Элина Абай қизи ижро этади. Фильм ўзбек ва қирғиз тилларида экранларга чиқади.
Изоҳ (0)