Нидерландия қироличаси Максиманинг кичик синглиси Инес Соррегета Аргентинанинг Буэнос-Айрес шаҳридаги ўз квартирасида ўлик ҳолда топилди. Бу ҳақда «Корреспондент.net» хабар берди.
Таъкидланишича, Соррегетанинг ўлими ҳақидаги маълумот Нидерландия ҳукумати матбуот хизмати томонидан тасдиқланган.
Ҳукумат матбуот хизмати вакилининг сўзларига кўра, Нидерландия қироличаси Максиманинг синглиси Инес Соррегета 6 июнга ўтар кечаси вафот этган. Аёлнинг ўз жонига қасд қилгани тахмин қилинмоқда.
Полиция ҳодисага изоҳ бергани йўқ. ОАВ эса 33 ёшли аёл стрессдан азият чеккан бўлиши мумкинлиги ҳақида ёзмоқда.
Изоҳ (0)