Путин қайси ҳамкасбига «сен» деб мурожаат қилишини айтди

Россия президенти Владимир Путин ўзининг халқаро ҳамкасбларидан ким билан «сен», ким билан эса «сиз» деб гаплашиши ҳақида маълум қилди. Бу ҳақда «РИА Новости» хабар берди.

Президентнинг сўзларига кўра, инглиз тилида фақат «ёу»нинг мавжудлиги бу тилда мулоқотни осонлаштиради, француз, немис ва бошқа бир қатор тилларда эса «сиз» ва «сен» шакллари фарқланади. Путин ва унинг кўплаб ҳамкасблари орасида ноформал шахсий муносабатлар шаклланган. Масалан, Путин Япония бош вазири, Германия канцлери, Франция президенти билан сенлаб гаплашади.

Путиннинг қайд этишича, у баъзи хорижий мамлакатлар раҳбарларига «сиз» деб мурожаат қилади. Масалан, Чехия президенти, чунки унинг ёши Путиннинг ёшидан катта.

Шунингдек, Россия президенти кўплаб давлат раҳбарлари билан исмини айтиб мулоқот қилади. Унинг фикрича, бундай ёндашув ўзаро ҳурматни билдиради ва у доимо сақланиб қолиши керак, шу билан бирга, бундай мурожаат усули жиддий давлатлараро масалаларни ҳал қилишда қўл келувчи восита ҳисобланади.