Ўзбекистон собиқ бош прокурори Рашиджон Қодиров иши бўйича 24 кишига айблов қилинган, 21 киши қамоққа олинган. Бу ҳақда 5 июнь куни Ўзбекистон Бош прокуратурасида бўлиб ўтган брифинг давомида маълум қилди.
Бош прокуратуранинг Уюшган жиноятчилик ва коррупцияга қарши кураш бошқармаси бошлиғи ўринбосари Мансур Ўроловнинг таъкидлашича, ҳозирги вақтда Рашид Қодиров нисбатан тергов ҳаракатлари олиб борилаяпти.
Тергов жараёнида Қодиров Рашид Ҳамидович томонидан лавозимга тайинлаш, шунингдек, раҳнамолик қилиш, пора олиш билан боғлиқ ҳолат аниқланган.Рашиджон Қодиров 23 февраль куни қўлга олинган эди. Кейинроқ унинг ўғли қидирувга берилгани маълум қилинди. Май ойи охирида эса Рашиджон Қодиров қон босимидан азият чекиб, маҳбуслар шифохонасига ётқизилгани маълум бўлди.Жиноят иши бўйича ҳозирда 24 нафар шахсга айблов эълон қилинган, шулардан 21 нафар шахсга нисбатан қамоққа олиш эҳтиёт чораси қўлланган.
Тергов якуни бўйича оммавий ахборот воситаларига терговда аниқланган ҳолатлар бўйича маълумот берилади
Мансур Ўролов, Бош прокуратура Уюшган жиноятчилик ва коррупцияга қарши кураш бошқармаси бошлиғи ўринбосари
Қайд этиш жоиз, 19 май куни Андижон вилоятида бўлиб ўтган фаоллар йиғилишида Ўзбекистон Президенти Шавкат Мирзиёев собиқ бош прокурорга нисбатан очилган жиноят иши ҳақида тўхталиб, жумладан, шундай деганди: «Собиқ бош прокурор бутун бошли жамоаси билан қамоқда ётибди. Миллион-миллион доллар топшириб ётибди. Икки-уч ой ичида телевидение орқали ўзини гапиртираман».
Изоҳ (0)