Миср экология вазирлиги кузатувлар тарихида биринчи марта Қизил денгизнинг Акаба бўғози ҳудудида кўк китнинг пайдо бўлганини қайд этди. Бу ҳақда «РИА Новости» хабар берди.
Таъкидланишича, Қизил денгиз мазкур сутэмизувчининг одатий яшаш жойи ҳисобланмайди. Мутахассислар китни Қизил денгизга нима олиб келганини аниқлашга ҳаракат қилмоқда.
Экологларнинг таъкидлашича, китнинг Миср қирғоқлари яқинида пайдо бўлиши хавф туғдирмайди, бироқ унга жуда яқин бориш керак эмас. Бу тур йиртқич эмас ва одамга ҳужум қилмайди, бироқ унга яқинлашишдан сақланган маъқул.
Вазирлик томонидан аниқлик киритилишича, гап узунлиги 24 метрга етиши мумкин бўлган тур ҳақида кетмоқда.
Изоҳ (0)