АҚШда тўрларга ўралиб қолган китларни қутқаришда дронлардан фойдаланилади, деб ёзмоқда TJournal.
Китлар қутқарувчилари координатори Эда Лайманнинг сўзларига қараганда, кўпинча китлар тўрларга чалкашиб қолгани туфайли жиддий жароҳатлар олади ёки ҳалок бўлади.
Бироқ китлар уларни қутқармоқчи бўлганлар учун ҳам хавф туғдириши мумкин. Хусусан, 2017 йилнинг ёзида тўрга чалкашиб қолган китни озод қилмоқчи бўлган қутқарувчи ҳалок бўлган. Натижада ҳам ҳайвонлар, ҳам одамларнинг хавфсизлигини таъминлаш учун дронлардан фойдаланишга қарор қилинган.
Дронлар қутқарувчиларга китларни баландликдан кўриш, қайси қурилмалар керак бўлиши ва қандай ҳаракат қилиш зарурлигини тушуниш учун ёрдам беради. Қутқарувчилар китнинг ёнига келганида уни тўрдан озод қилиш қолади, холос.Биздан кўпинча китлар сизлар уларга ёрдам бермоқчи бўлаётганингизни тушунадими, деб сўрашади. Дарҳақиқат, китлар биз уларни қутқармоқчи бўлишимизни тушунмаслиги мумкин. Кит — йирик ҳайвон. 13 метрли, оғирлиги 40 тоннага етадиган ҳайвонлар ҳақида гап кетар экан, уларни қутқариш осон иш эмаслиги табиий.
Кит қутқарувчилари координатори, Эда Лайман
АҚШнинг океан ва атмосфера тадқиқотлари миллий бошқармаси дронларни «Oceans unmanned» («Одамларсиз океан») нотижорат ташкилотидан олади. Ташкилотнинг мақсади океанлар муҳофазасига одамлар аралашувини камайтириш имконини берадиган технологияларни қўллашдан иборат.
Қутқарув қайиқлари ёки кичикроқ кемалардан дронларни учириб, китларни топиш, ҳам қутқарувчилар, ҳам ҳайвонларга энг кам хавф туғдирган ҳолда вазиятни тушуниш имконига эга бўламиз.«Oceans unmanned» («Одамларсиз океан») нотижорат ташкилоти асосчиси, Метт Пикет
Изоҳ (0)