Угандада Facebook, Twitter ижтимоий тармоқлари ва WhatsApp, Viber каби мессенжерлардан фойдаланганлик учун 200 шиллинг миқдорида ($0,05) солиқ жорий этилади, деб хабар беради «Корреспондент.net».
Мамлакат президенти Йовери Мусевенининг айтишича, бундай чора ижтимоий тармоқлар орқали асоссиз гап-сўзлар тарқатилишининг камайишига ёрдам беради.
Пулни алоқа операторлари йиғади. Уганда ҳукумати йиғилган пулларни мамлакат электрэнергетика соҳаси ривожи ва хавфсизлиги учун сарфлашни режалаштирмоқда.
Уганда коммуникациялар бўйича комиссиясининг маълумотларига кўра, 40 миллион мамлакат аҳолисининг 40 фоизи интернетдан фойдаланади.
Угандада Facebook ва WhatsApp оммалашган.
Изоҳ (0)