ПСЖ клуби «Реал» ҳужумчиси Криштиану Роналдуни сотиб олмоқчи. Европа Чемпионлар Лигасидаги навбатдаги ғалабадан сўнг португалиялик ҳужумчи «Реал»ни тарк этишига шама қилганди.
AS нашрининг ёзишича, парижликлар Роналду—Неймар—Мбаппе триосини вужудга келтиришмоқчи. Клуб раҳбарияти Криштиануга 45 миллион евро маош тўлашга тайёр. Бу унинг «Реал»даги маошидан деярли икки баробар кўп ҳисобланади.
Роналдунинг «Реал» билан шартномасидаги товон пули миқдори 1 миллиард еврони ташкил этади. Парижликлар эса унинг учун 150 миллион евродан ортиқ пул тўламоқчи эмас.
ПСЖ бу режасини амалга ошириш учун бир нечта юлдузларини — Эдинсон Кавани ва Анхел Ди Марияни сотиб юборишга мажбур бўлиши мумкин.
Испания Ла Лигасининг якунига етган 2017/18 йилги мавсумида Роналду 27 та ўйинда 26 та гол уришга эришди. Шу билан бирга 15 та гол билан ЕЧЛда мавсум тўпурари бўлди.
Изоҳ (0)