Жорий йилнинг 26—31 май кунлари Россиянинг Санкт-Петербург шаҳрида бокс бўйича «Губернатори кубоги» жанглари бўлиб ўтиши ҳақида хабар берилган эди.
Мусобақада Ўзбекистон терма жамоаси боксчилари ҳам иштирок этмоқда.
Кеча, 29 май санасида 10 нафар ўзбекистонлик боксчи мусобақанинг ярим финалида рингга чиқди ва улардан 7 нафари финалга йўлланмани қўлга киритди.
Эътиборлиси, -56кг вазн тоифасида икки ўзбекистонлик боксчи олтин медаль учун ўзаро рингга чиқадиган бўлди. Рио-2016 Олимпиадаси ғолиби Шаҳобиддин Зоировга финалда Миразиз Мирзаҳалилов рақиблик қилади.
Финал жуфтликлари қуйидагича кўриниш олди:
-49 кг: Ҳасанбой Дўсматов – Батор Сагалуев (Россия)
-56 кг: Шаҳобиддин Зоиров – Миразиз Мирзаҳалилов
-60 кг: Шунқор Абдурасулов – Альберт Батиргазиев (Россия)
-75 кг: Исроил Мадримов – Глеб Бакши (Россия)
-81 кг: Бектемир Мелиқўзиев – Георгий Кушиташвили (Россия)
+91кг: Баҳодир Жалолов – Владислав Муравин (Россия)
Изоҳ (0)