Мадриднинг «Реал» клуби раҳбарияти ва мураббийлар штаби ёзги трансферлар вақтида жамоанинг турли позицияларига бир нечта футболчини олиб келади, деб ёзмоқда Marca.
Қайд этилишича, жамоа дарвозабон, марказий ҳимоячи, ўн қанот ҳимоячиси ва ҳужумчи сотиб олади.
«Реал» агарда Неймар билан келиша олмаса ва Гарет Бэйл ёзда клубни тарк этадиган бўлса, унда клуб қуйидаги 3 футболчидан бирини таркибга қўшиб олади: Муҳаммад Салоҳ («Ливерпуль»), Эден Азар («Челси»), Пауло Дибала («Ювентус»). Мадридликлар «Лион»дан доминиканлик ёш ҳужумчи Мариано Диасни ортга қайтариш ҳақида ҳам ўйламоқда.
Дарвозага асосий номзод — «Рома» дарвозабони Алиссон бўлиб турибди. «Реал»нинг ўнг қанотига Альваро Одриосола («Реал Сосьедад») олиб келиниши мумкин.
«Қироллик клуби» марказий ҳимоя учун эса Хосе Хименесни («Атлетико») олиб келмоқчи. Уругвайлик футболчига муқобил вариант сифатида Милан Шкриньяр («Интер») ва Алессио Романьоли («Милан») кўрилмоқда.
Изоҳ (0)