Москвадаги Третьяков галереясида Илья Репиннинг «Иван Грозний ва унинг ўғли Иван» картинасига зарар етказган вандални Москванинг Замоскворецкий туман суди икки ойлик ҳибсга ҳукм қилди, деб ёзади Sputnik.
Асли ўзбекистонлик Игорь Подпорин 26 июлгача ҳибсда сақланади, у олти йилга қамалиши ва 6 миллион рубль (95 минг доллар)гача жаримага тортилиши мумкин.
Ҳимоя томони Подпорин айбини тан олгани ва тергов билан ҳамкорлик қилишга тайёрлигини пеш қилиб, у учун уй қамоғини сўраган бўлса-да, суд прокурорнинг важларига қулоқ тутди.
Айблов томони вакили вандалнинг хатти-ҳаракатлари кенг жамоатчилик орасида шов-шувга сабаб бўлгани ва халқ норозилигини келтириб чиқарганини таъкидлади.
Изоҳ (0)