Шавкат Мирзиёев Хитойнинг Синдао шаҳрида 9—10 июнь кунлари ўтказилиши режалаштирилган Шанхай ҳамкорлик ташкилоти саммитида Владимир Путин, Си Цзиньпин ва Нарендра Моди билан шахсий учрашувлар ўтказади. Бу ҳақда Ташқи ишлар вазирининг ўринбосари Абдужаббор Абдувоҳидов маълум қилди, дея хабар беради Sputnik.
«ШҲТ доирасида режалаштирилган давлат раҳбарлари билан барча учрашувлар саммит майдонида бўлиб ўтади. Жумладан, Россия ва Ҳиндистон етакчилари, шунингдек, жаноб Си Цзиньпин билан учрашувлар кўзда тутилган», — деди Абдужаббор Абдувоҳидов.
Вазир ўринбосари мазкур учрашувлар давомида икки томонлама ҳужжатлар имзоланиши белгиланмаганини билдирди.
Унинг айтишича, саммитда 20 га яқин ҳужжат, жумладан, Синдао декларацияси имзоланади ва уларнинг барчаси кўп томонлама ҳамкорликни қамраб олади.
Изоҳ (0)