Қорақалпоғистоннинг Қонликўл туманида консерваланган ҳаво сувенири сотилмоқда, деб хабар берди «KRuz.uz».
Хабарда ёзилишича, Қонликўл туман «Қонликўл» посёлка фуқаролар йиғини ҳудудида «Айдос Диёрбек» хусусий корхонаси томонидан «Орол денгизи минтақаси ҳавоси» консерваланган сувенири ишлаб чиқарилмоқда.
«Консерва қилинган ҳаво – ўз ичига турли хил ҳиссиётларни тўплаган асл сувенир ҳисобланади. Сувенирни сотиб олган турист фақат консервадаги ҳавони эмас, балки Қорақалпоғистон, Орол денгизи ҳудудлари ҳақидаги хотираларини ҳам ўзи билан бирга олиб кетади», — дейилади хабарда.
Ишлаб чиқарувчиларнинг «Дарё»га маълум қилишича, битта консерваланган сувенирнинг баҳоси 8000 сўм (1 доллар).
Изоҳ (0)