Давлат божхона қўмитасининг Контрабанда ва божхона қонунчилиги бузилишига қарши курашиш бошқармаси томонидан Тошкент шаҳрининг Олмазор туманида хорижий валютанинг қонунга хилоф тарзда айирбошланиши олди олинди. Бу ҳақда қўмита ахборот хизмати хабар бермоқда.
Тунгги вақтда ўтказилган тезкор тадбир давомида фуқаролар Ш.Б ҳамда П.Х. харидорга 8500 АҚШ долларини «қора бозор» курсида 8100 сўмдан ҳисоблаб, жами 68 миллион 850 минг сўмга сотаётганда қўлга олинди.
Ашёвий далил сифатида олинган 8500 доллар ушбу ҳолатга қонуний баҳо берилгунга қадар вақтинча сақловга олинди ҳамда ҳолат юзасидан тегишли ҳужжатлар расмийлаштирилди.
Текширув жараёнлари давом этмоқда.
Изоҳ (0)