Калифорния суди Жанубий Кореянинг Samsung компанияси патент қоидаларини бузгани учун Американинг Apple корпорациясига 539 миллион доллар тўлаши ҳақида қарор чиқарди, деб хабар беради «Корреспондент.net».
Қайд этилишича, Жанубий Корея компанияси смартфонлар дизайни билан боғлиқ учта патентни бузган. Гап телефонларнинг олд панеллари периметри бўйича ўрнатилган қайрилган бурчаклари ва экрандаги дастур белгилари жойлашуви ҳақида кетмоқда.
Шунингдек, Samsung қурилма иш принципларини ҳимоя қилувчи яна икки патентни бузган.
Компания адвокатлари суд қароридан шикоят қилишни режалаштирмоқда.
Изоҳ (0)