Бош прокуратура ҳузуридаги департаментнинг Хоразм вилоят бошқармаси ходимлари «шапка» эвазига Damas сотиб олиш учун шартнома олиб беришни ваъда қилган фирибгарни қўлга олди. Бу ҳақда Бош прокуратура матбуот хизмати хабар берди.
Бош прокуратура ҳузуридаги департаментнинг Шовот туман бўлими ходимлари томонидан ўтказилган тезкор тадбирда Х. исмли фуқародан GM Uzbekistan автосалонларида ишловчи танишлари орқали Damas русумли автомашина харид қилиш учун шартнома олиб беришни ҳамда автомашинани олиш навбатини тезлаштириш эвазига 1200 доллар, шунингдек 51,5 миллион сўм пулни олган фирибгар ашёвий далиллар билан қўлга олинди.
Мазкур ҳолат юзасидан Жиноят Кодексининг тегишли моддалари билан жиноят иши қўзғатилди. Тергов ҳаракатлари олиб борилмоқда.
Изоҳ (0)