25 майнинг эътиборга молик янгиликлари — «Дарё»нинг кечки дайжестида.
1. «Россия учун ёлғон гапиришни тўхтатадиган вақт келди». АҚШ MH17 рейси ҳалокати бўйича текширув хулосаларини қўллаб-қувватлади. Нидерландия ва Австралия MH17 рейсининг ҳалокатида Россияни айблади.
2. Россиялик Евгений Биргер «Ўзбекистон почтаси» директори этиб тайинланди. У ҳақда интернетда жуда зиддиятли фикрлар қолдирилган. Асосий зиддият, албатта, у узоқ вақт ҳеч мақталмайдиган «Россия почтаси» компаниясида ишлаганидир.
3. Самарқандда Damas ҳайдовчиси ЙПХ ходимини уриб кетди. ЙПХ ходими вафот этди. Хабар беришларича, йўл назоратчиси Damas ҳайдовчиси рулда телефонда гаплашиб келаётгани учун тўхтатмоқчи бўлган.
4. Андижоннинг Балиқчи туманига янги ҳоким тайинланди. У асли Балиқчидан. Энг қизиғи, унинг отаси ҳам Балиқчида ҳокимлик қилган. Шундай қилиб, ҳокимнинг ўғли ҳоким бўлди.
5. Тошкентда 16 йил фарзанд кутган бир оила бирваракайига уч ўғиллик бўлди. Бу ҳақда Тошкентдаги «Хожа Аҳрор Валий» масжидида ўқилган жума намозидан сўнг маълум қилинган.
6. «Ишонасизми, у йиғлади. Хотини урармиш». Ўзбекистон Олий суди раиси ўринбосари «ҳайратланарли иш» ҳақида гапирди. Аввалроқ, 8 март куни Қашқадарёда 18 ёшли келинчак эрини бўғиб ўлдириб қўйгани ҳақида хабар берилган эди.
Изоҳ (0)