Исроил Мудофаа армиясининг самолётлари 23 майга ўтар кечаси мамлакат чегараси бузилганлиги ва Исроилга қарашли ҳарбий пост ёқиб юборилганига жавоб тариқасида Ғазо секторидаги ҲАМAS ҳаракатининг ер ости тузилмасига ҳамда иккита денгиз полицияси нишонларига зарба берди. Бу ҳақда армия матбуот хизматига таяниб, «ТАСС» хабар қилади.
«Бироз олдин Исроил Ҳарбий-ҳаво кучлари ҲАМAS’нинг Ғазо сектори шимолидаги ер ости террорчилик инфратузилмаларига, шунингдек ҳарбий-денгиз кучларига тегишли иккита ҳарбий объектига зарба берди. Зарбалар 22 май куни бир неча террорчилар Исроил ҳудудига ўтгани ва ҳарбий постни ёқиб юборганига жавоб тарзида амалга оширилди», — дейилади ҳужжатда.
Ғазо секторидаги фаластинликлар ва исроилликлар ўртасида март охиридан буён давом этиб келаётган тўқнашувлар оқибатида 120 нафардан ортиқ араб ҳалок бўлди, 13 мингдан зиён киши жароҳат олди ёки газдан заҳарланди.
Изоҳ (0)