Роналду дунёнинг энг машҳур спортчиси, Месси эса учинчи ўринда​

«Реал»нинг португалиялик ҳужумчиси Криштиану Роналду ESPN нашри талқинига кўра, кетма-кет учинчи бор дунёнинг энг машҳур спортчиси дея топилди. Бу ҳақда «Sports.ru» хабар берди.

Рейтинг реклама шартномалари, ижтимоий тармоқлардаги ўқувчилари ва интернетдаги қидирувлар сони асосида тузилган.

Кучли учликдан «Кливленд» баскетболчиси Леброн Жеймс ва «Барселона» ҳужумчиси Лионель Месси ўрин олган.

Топ-10 дунёнинг энг машҳур спортчилари:

1. Криштиану Роналду («Реал», футбол);
2. Леброн Жеймс («Кливленд», баскетбол);
3. Лионель Месси («Барселона», футбол);
4. Неймар (ПСЖ, футбол);
5. Рожер Федерер (теннис);
6. Тайгер Вудс (гольф);
7. Кевин Дюрэнт («Голден Стейт», баскетбол);
8. Рафаэль Надал (теннис);
9. Стефен Карри («Голден Стейт», баскетбол);
10. Фил Микельсон (гольф).