Остонада Ўзбекистоннинг Қозоғистондаги элчихонаси ва «Олтин Ўрда» бизнес-клуби вакиллари Ақтўбедаги автобус ёнғинида ҳалок бўлган ўзбекистонликлар хотирасига 52 туп дарахт кўчати ўтқазди. Бу ҳақда «Казинформ» хабар бермоқда.
«Фожиа рўй берган куни Қозоғистон ҳукумати ва халқи ёрдам берди. Мамлакатдаги мутасадди органлар барча зарур чораларни кўрди. Бугунги тадбир икки давлат ўртасидаги дўстликнинг олийжаноб кўринишидир. Биз буни ҳалок бўлганларнинг оилаларига етказишимиз керак», — деди Ўзбекистоннинг Қозоғистондаги элчиси Саидикром Ниёзхўжаев.
Бизнес-клуб раиси Марҳамат Балгабай қозоғистонликлар фожиа кунлари ўзбек халқи дардига шерик бўлганини билдирди.
«52 киши ҳалок бўлган аварияни унутишимиз мумкин эмас, ўзбек халқи мусибатига малҳам бўлиш зарур деб ҳисоблаймиз. Ўзбекистон мамлакатимизнинг Марказий Осиёдаги стратегик ҳамкори ҳисобланади. Бу йил икки давлат ўртасидаги шерикчилик алоқалари янада мустаҳкамланади, деган умиддамиз», — деди у.
Изоҳ (0)