Чеченистон пойтахти Грознийда Архангел Михаил православ черкови ташрифчиларини гаровга олишга уринган тўрт нафар жангари йўқ қилинди. Бу ҳақда Чеченистон раҳбари Рамзан Қодиров «Интерфакс»га маълум қилган.
Maxсус операция давомида икки полициячи ва черковнинг бир зиёратчиси ҳалок бўлган. Россия Тергов қўмитаси ахборотида эса яна икки полициячи яралангани маълум қилинган.
«Жангарилар ҳужум ҳақидаги буйруқни Ғарб мамлакатларининг биридан олгани ҳақида тезкор ахборот бор», — деган Қодиров. Жангариларнинг ёнида калталанган милтиқ, пичоқлар ва болталар, шунингдек, ичида ёнувчи модда бўлган 10 шиша идиш бўлган.
Бир қатор нашрларнинг маҳаллий аҳоли гувоҳликларига асосланиб хабар беришича, черков атрофида 19 май куни отишма юз берган. Гувоҳларнинг айтишича, улар полиция томонидан қуршаб олинган уй томида одамни кўрган. Отишма юз берган ҳудудга яқин кўчалар ёпиб қўйилган.
Изоҳ (0)