Жасади 14 май куни Юнусобод туманидан оқиб ўтувчи Юқори Бўзсув канали бўйидан топилган аёлнинг шахси аниқланди. Бу ҳақда Тошкент ИИББ томонидан 17 май, пайшанба куни ўтказилган брифингда маълум қилинди.
14 май куни Юнусобод тумани, «Ўзбекгидроэнерго-1» компанияси ҳудудидан оқиб ўтувчи Юқори Бўзсув канали бўйидан ёши тахминан 25—30, бўйи тахминан 167—169 сантиметр бўлган аёл кишининг жасади топилгани ҳақида аввалроқ хабар берилган эди.
«Аёлнинг шахси аниқланди. Ҳозирда тергов-суриштирув ҳаракатлари олиб борилмоқда», — деди Тошкент шаҳар ИИББ бошлиғи ўринбосари Дониёр Тошхўжаев.
Тергов ишлари якунига етмагунича, ушбу ҳолат юзасидан қўшимча ахборот бериш имкони йўқлиги маълум қилинди.
Изоҳ (0)