Toshkent shahrining Yunusobod tumanidagi “O‘zbekgidroenergo-1” AJ hududidan oqib o‘tuvchi yuqori Bo‘zsuv kanali bo‘yida ayol kishining jasadi topildi. Bu haqda IIBB axborot-multimedia markazi ma’lum qildi.

Foto: IIBB axborot-multimedia markazi

Ayolning yoshi taxminan 25-30 da, bo‘yi 167-169 santimetr bo‘lib, alohida belgilari yo‘q.

Tananing bo‘ynida qora teri tasmali uchburchak shakldagi kulrang temir taqinchoq, shuningdek, qizil bantikli, rezina matoli to‘g‘nog‘ich, qo‘lida binafsha rangli manikyur aniqlangan.

Foto: IIBB axborot-multimedia markazi

Ushbu belgilar tanish bo‘lganlardan “102” raqamiga qo‘ng‘iroq qilishlari yoki yaqin atrofdagi IIBga xabar berishlari so‘ralgan.