Италиянинг Тремити оролларида бир марталик пластик идишлардан фойдаланган сайёҳлар 500 еврогача жаримага тортилиши мумкин. Бу ҳақда «РИА Новости» хабар берди.
Тремити ороллари Адриатика денгизидаги Италиянинг ягона архипелаги ҳисобланади. Бешта оролдан иборат архипелаг Гаргано яриморолидан 20 километр шарқда жойлашган.
Оммавий туризмнинг оқибатлари жуда жиддий бўлиб, оролларда кўп миқдорда пластик чиқинди тўпланган. Улар пляж ва қирғоқбўйи сувларини ифлослантирмоқда. Шу муносабат билан Тремити мэри Антонио Фентини архипелагда жорий йилнинг май ойидан бошлаб пластик идишлардан фойдаланишга тақиқ жорий қилди.
Тақиқ сайёҳлар ва маҳаллий аҳоли учун бирдек амал қилади. Қоидани бузганлик учун жарима миқдори 50 евродан 500 еврогача бўлиши мумкин.
Мернинг сўзларига кўра, табиат қўйнидаги тамаддилар тақиқланмайди, бироқ уларда кўп марталик ёки биологик парчаланадиган идишлардан фойдаланиш керак бўлади.
Изоҳ (0)