Наманган вилоятининг Янгиқўрғон туманидаги 30 мингдан ошиқ аҳоли истиқомат қиладиган Бирлашган қишлоғида тадбиркор Юсуфжон Назаров ўз маблағи ҳисобидан спорт мажмуаси қурди. Бу ҳақда туман ҳокимлиги ахборот хизмати хабар бермоқда.
Тадбиркор 2015 йили туман ҳокими қарори билан қишлоқнинг Ўрта маҳалласи ҳудудидаги ташландиқ ётган 60 сотих ерни ўз тасарруфига олди. Ўтган вақт мобайнида футбол, баскетбол, волейбол майдончалари қад ростлади. 45 га 10 метр ўлчамли бассейн битказилди. Бунга 400 миллион сўмдан ошиқ маблағ сарфлади.
—Мажмуамиз Хотира ва қадрлаш куни туман мутасаддилари иштирокида расман очилди. Бу ерда ҳудудимиздаги икки мактаб ўқувчилари ва бир боғча тарбияланувчилари ҳафтада икки кундан бепул шуғулланишларини жорий қилдик. Ҳозир тренажёрлар билан жиҳозланган оғир атлетика залини ҳам ишга тушириш ҳаракатидамиз, — дейди Юсуфжон Назаров.
Изоҳ (0)