Тошкент ва Тбилиси биродарлик муносабатларини ўрнатишга келишиб олди. Бу ҳақда Тошкент шаҳар ҳокимининг туризмни ривожлантириш, инновация ва инвестиция масалалари бўйича ўринбосари Алишер Тиллаевнинг сўзларига асосланиб, «Газета.uz» хабар бермоқда.
Келишув Ўзбекистон делегациясининг 13—14 май кунлари Грузияга ташрифи чоғида имзоланган.
Томонлар ҳамкорлик доирасида шаҳарсозлик, шаҳарни комплекс ривожлантириш, жамоат транспортини бошқариш, иқтисодиёт, шу жумладан ташкилотлар ва савдо палаталари ўртасидаги ҳамкорлик, маданият, таълим, соғлиқни сақлаш, туризмни ривожлантириш каби соҳаларда шерикликда ишлайди.
Тошкент ва Тбилиси шаҳарлари ўртасидаги алоқаларни кенгайтириш ва мустаҳкамлаш мақсадида ҳамкорликда турли соҳаларда тажриба алмашиш бўйича тадбирлар ўтказилиши режалаштирилган.
Изоҳ (0)