Ўзбекистон ва Жанубий Корея енгил саноат технопаркининг қурилишини тезлаштиради. Бу ҳақда, «Ўзенгилсаноат» Ассоциациясига таяниб, Spot хабар берди.
Май ойининг бошида Тошкентда Жанубий Корея делегацияси билан музокаралар бўлиб ўтган. Делегация таркибига Корея саноат технологиялари институти, шунингдек, Ilkwang Construction ва Urban Architechture компаниялари вакиллари кирган.
Учрашувда томонлар ўқув-тадқиқот енгил саноат технопаркининг қурилишини тезлаштириш ва оптимизация қилиш масаласини муҳокама қилган. Технопарк Тошкент шаҳрининг Яккасарой туманида жойлашади. Технопарк биносининг қурилишида энергия тежовчи технологияларнинг қўлланилиши режалаштирилмоқда.
Учрашув якунида томонлар объектларни белгиланган муддатда ишга тушириш учун ишларнинг тезлаштирилган графикини ишлаб чиқишга келишиб олган.
Изоҳ (0)