Жорий йилда «Бир макон, бир йўл» ташаббуси илгари сурилганининг 5 йиллиги нишонланмоқда, деб ёзади Sputnik.
«Беш йил давомида халқаро жамоатчиликнинг фаол қўллаб-қувватлаши ва иштироки туфайли ‘Бир макон, бир йўл’ қурилишида зўр натижаларга эришилди», — дейди Хитойнинг Ўзбекистондаги элчиси Цзян Ян.
Элчининг сўзларига кўра, «Айни вақтда 100 дан зиёд мамлакатлар ва халқаро ташкилотлар ушбу буюк ишга жалб этилган. Шулардан 69 таси Хитой билан ҳамкорлик тўғрисида шартнома имзолаган».
«Бу катта қизиқиш — лойиҳа барча мамлакатлар манфаатларига тамомила мос тушганлигини билдиради. Ушбу лойиҳа туфайли барча мамлакатлар фаровонлиги ортади. Аввалига Хитой томонидан илгари сурилган ушбу ташаббус эндиликда бутун дунё бўйлаб ўз мевасини бермоқда», — деди дипломат.
Цзян Ян шунингдек, Ўзбекистон Буюк Ипак йўлидаги муҳим боғловчи тугун эканлигини, айнан Ўзбекистон ушбу лойиҳа ташаббусини қўллаб-қувватлаган биринчи давлатлардан бири бўлганлигини алоҳида таъкидлаб ўтди.
Шунингдек, Ўзбекистондаги Хитой элчиси бу йил ХХР очиқ сиёсатнинг 40 йиллигини нишонлашини, мана шу йиллар тажрибаси фақатгина очиқлик сиёсати тараққиётга хизмат қилишини кўрсатганини айтиб ўтди.
«Хитой ва Ўзбекистон ҳамкорлик борасидаги салоҳияти ва истиқболи ниҳоятда улкан. Хитой томони ‘Бир макон бир йўл’ қурилиши доирасида Ўзбекистон билан ҳамкорликни мустаҳкамлашга умид билдиради», — деди дипломат.
Изоҳ (0)