Аввалроқ Samsung компаниясининг экран остидаги биологик таниб олиш технологиясига эга илк флагмани Note 9 бўлиши кераклиги хабар берилган эди. Фаблетнинг жорий авлодида сканер анъанавий равишда орқа панелга жойлаштирилган, деб ёзади Hi-Tech Mail.Ru.
Кейинроқ компания ушбу технологияни ишга туширишга ҳали тайёр эмаслиги маълум бўлди. Барча умид 2019 йил январида тақдим этилиши кутилаётган Galaxy S10’дан, дейилади хабарда. Юбилей қурилмада қандайдир ўзига хос хусусият бўлиши керак.
Кореядан келиб тушган миш-мишларга кўра, технологиянинг аниқлиги ва чидамлилигини ошириш учун компания ўзининг ультратовушли ечимини ишлаб чиқмоқда. Хабар берилишича, Samsung’нинг ультратовушли экраности бармоқ изи сканери устидаги ишлар якунланган, аммо Galaxy S10 чиқадиган вақтгача унинг маҳсулдорлиги ва аниқлилиги яхшиланиши керак.
Изоҳ (0)