Американинг F-22 қирувчи самолётлари Аляска ғарбий қирғоғи ҳаво ҳудудида Россиянинг иккита Ту-95 бомбардимончисини тутиб қолиш учун ҳавога кўтарилди. Бу ҳақда Шимолий Америка Ҳаво-космик мудофааси (NORAD) қўмондонлиги вакили Скотт Миллер маълум қилди, деб хабар беради «РИА Новости».
«Иккита F-22 NORAD қирувчи самолёти Аляска ғарбий қирғоғи ҳаво ҳудудида Алеут оролларидан шимол томон учаётган Россиянинг иккита Ту-95 бомбардимончисини тутиб қолди», — дейди америкалик ҳарбий.
Миллернинг таъкидлашича, Ту-95 самолётлари NORAD томонидан мудофаа қилинувчи Беринг денгизининг 320-километри зонасига кириб қолган. Шундан сўнг Америка қирувчи самолётлари Россияга тегишли бомбардимончилар идентификация зонасидан чиқиб кетгунига қадар уларни кузатиб борган.
Америка қўмондонлиги вакилининг сўзларига қараганда, бомбардимончилар АҚШ ва Канада ҳаво чегарасини кесиб ўтмаган, фақатгина халқаро денгиз сувлари устидан учиб ўтган ва халқаро битимларни бузмаган.
Изоҳ (0)