Буюк Британиянинг муҳим тарихий обидаларидан бири ҳисобланувчи Темперейт-хаус 5 йиллик таъмирлаш ишларидан сўнг, яна ўз фаолиятини бошлади, деб хабар беради National Geographic.
Кьюда қироллик ботаника боғига салкам 260 йил олдин асос солинган. Бугунги кунда 132 гектар майдонни эгаллаган боғда кўплаб оранжерея ва павилиёнлар жойлашган. Боғ ҳудуди ЮНЕСКО’нинг бутунжаҳон мероси рўйхатига киритилган.
Темперейт-хаусни қуриш ишлари 1859 йилда бошланган. Оранжереялар эса орадан 4 йил ўтгач қурила бошланган ва орадан 40 йил ўтгачгина якунига етказилган. Бино уч элементдан иборат: тўғри бурчакли марказий сексия, иккита саккиз бурчакли ва иккита ён қанот. Иссиқхона узунлиги 188 метрни ташкил этади, майдони эса 4880 квадрат метрга тенг, баландлиги 18 метр.
Боғ ҳудудидаги оранжереяни таъмирлаш ишлари 5 йил олдин бошланган эди. Ушбу вақт давомида ишчилар 5280 литр бўёқ ишлатди ва 15 000 га яқин ойналарни алмаштирди. Барча ишлар учун 41 миллион фунт стерлинг сарфланган.
Изоҳ (0)