2—4 май кунлари Фарғона шаҳридаги «Аҳмад ал-Фарғоний» номидаги истироҳат боғида умумтаълим мактаблари «Ёш қутқарувчи» кўнгиллилар клублари ўртасида республика мусобақаси ўтказилди, деб хабар беради ФВВ матбуот хизмати.
Мазкур мусобақада Қорақалпоғистон Республикаси, вилоятлар ва Тошкент шаҳридан жами 14 та жамоа ҳамда 112 нафар ўқувчи иштирок этди.
Иштирокчилар бир неча босқичда ўзаро баҳслашди. Биринчи босқичда иштирокчилар фавқулодда вазиятлар ва фуқаро муҳофазасига оид саволларга жавоб берди. Иккинчи босқичда жабрланганларга биринчи тиббий ёрдам кўрсатиш усулларини амалда бажарган бўлса, учинчи босқичда махсус арқон ва асбоб анжомлар ёрдамида дарёни кесиб ўтиш ва палатка тиклаш ишларини бажарди. Тўртинчи ва бешинчи босқичларда арқон ёрдамида махсус тугунлар тугуш, улар ёрдамида баландликка кўтарилиш ва эстафетали югуришда иштирок этди.
Ҳар бир ўқувчи мусобақада иштирок этиш билан бир қатор ўзларининг ижодий ишлари намуналари кўргазмасини ташкил этди.
Мусобақа якунида турли номинациялар бўйича ғолибликка номзодлар эълон қилинди. Жумладан:
«Жамоанинг янг яхши шиори» номинацияси бўйича Тошкент вилояти «Нажоткорлар» жамоаси;
«Энг яхши қутқарувчи қиз бола» номинацияси бўйича Фарғона вилояти «Матонат» жамоаси аъзоси Шаҳло Ғанижонова;
«Энг яхши қутқарувчи ўғил бола» номинацияси бўйича Наманган вилояти «Халоскорлар» жамоаси аъзоси Фатхулла Ғуломжонов;
«Энг яхши клубнинг формаси» номинацияси бўйича Фарғона вилояти «Матонат» жамоаси;
«Энг яхши ташкил этилган кўргазма» номинацияси бўйича Андижон вилояти «Лочинлар» жамоаси;
«Энг яхши клуб фаолияти ёритилган фотоальбом» номинацияси бўйича Навоий вилояти «Спасател» жамоаси;
«Эстафетада энг яхши кўрсатгичга эришган жамоа» номинацияси бўйича Навоий вилояти «Спасател» жамоси;
«Энг яхши жамоанинг байроғи» номинацияси бўйича Сирдарё вилояти «Мадад» жамоаси;
«Энг ҳамжиҳат жамоа» номинацияси бўйича Фарғона вилояти «Матонат» жамоаси;
«Энг билимдон жамоа» номинацияси бўйича Сирдарё вилояти «Мадад» жамоаси;
«Энг яхши тиббий ёрдам кўрсатган жамоа» номинацияси бўйича Хоразм вилояти «Қалқон» жамоаси;
«Энг яхши тоғ тайёргарлигига эга жамоа» номинацияси бўйича Жиззах вилояти «Аланга» жамоаси;
«Энг яхши клуб фаолияти ёритилган видеоролик» номинацияси бўйича Сирдарё вилояти «Мадад» жамоалари тақдирланди;
Мусобақанинг умумий натижалари бўйича ҳайъат кенгаши энг яхши жамоани аниқлади. Унга кўра.
1-ўрин – Фарғона вилоятининг «Матонат» жамоаси;
2-ўрин – Навоий вилоятининг «Спасател» жамоаси;
3-ўрин – Қорақалпоғистон Республикасининг «Жайхун» жамоаси;
Мусобақанинг «Гран-при» совринини эса Сирдарё вилоятининг «Мадад» жамоаси қўлга киритди.
Мусобақа якунида иштирокчиларга ташкилотчилар томонидан ғолибларга ва барча қатнашчиларга эсдалик совғалари ва дипломлар тантанали равишда топширилди. Шу билан биргаликда, болаларга байрамона кайфият улашиш мақсадида таниқли эстрада хонандалари иштирокида концерт дастури намойиш этилди.
Изоҳ (0)