UzPaynet компанияси ўз фаолияти тўхтатилиши ҳақида 6 май куни пайдо бўлган хабарларга муносабат билдирди. Компания баёноти билан қуйида тўлиқ танишиш мумкин.
Мавзуга доир: UzPaynet компаниясининг фаолияти тугатилади
Ҳозирги вақтда интернет сайтлари ва ижтимоий тармоқларда «Ўзбекистонда Paynet фаолияти тўхтатилади» мазмунидаги хабарлар тарқалмоқда.UzPaynet компанияси шуни маълум қиладики, Paynet савдо белгиси остида аҳолидан тўловларни қабул қилиш фаолияти тўхтатилмайди.
Ўзбекистон Президентининг «Халқ банки ва ‘Микрокредитбанк’нинг молиявий ҳолатини яхшилаш ҳамда фаолиятини янада такомиллаштириш чора-тадбирлари тўғрисида»ги қарорига асосан, аҳолидан тўловларни Paynet савдо белгиси остида қабул қилиш фаолияти Халқ банки тузулмаси таркибида амалга оширилади.
Тўловларни қабул қилиш тизими иш фаолияти узлуксиз ва одатдагидек давом этмоқда. Ҳозирда аҳолига ва тўлов агентларига қўшимча қулайликлар яратиш бўйича чора-тадбирлар ишлаб чиқилмоқда.
UzPaynet компанияси баёнотидан
Изоҳ (0)