Фарғона вилоятида янги туғилган чақалоқни 10 минг долларга сотиш ҳолати аниқланди. Бу ҳақда «Ўзбекистон 24» телеканалининг «Қонун номи билан» кўрсатувида маълум қилинди.
Хабар беришларича, қўқонлик Озода Холмирзаева таниши Маҳфуза Ғуломова билан олдиндан тил бириктириб, Маҳфузанинг жияни — Наргиза Иномжонованинг никоҳсиз туғилган ўғил фарзандини Назировага 10 минг АҚШ долларига сотишга келишиб, олдиндан 50 АҚШ долларини олган.
«Туғуруқхонадан чақалоқни олиб чиқиш куни эса қолган 9950 АҚШ доллари эвазига гўдакни сотаётган вақтида департаментнинг Қўқон шаҳар ва Қува тумани бўлимлари ҳамда ҳуқуқ-тартибот идоралари томонидан ашёвий далиллар билан ушланган», — дейилади кўрсатувда.
Ушбу жиноят иши юзасидан тергов ҳаракатлари давом эттирилмоқда.
Изоҳ (0)