Фарғона шаҳар мактабгача таълим бўлими мудири ўринбосари Алишер Иминов ўз лавозими ваколатларидан фойдаланиб, пора орқали иш битиришнинг ғайриқонуний йўлларини ўйлаб топди, дея хабар бермоқда «Ўзбекистон 24» телеканали.
«У бир ўқ билан икки қуённи урмоқчи бўлган: Иминов Мирзаевани ишга, унинг фарзандини эса боғчага жойлаштириш учун 300 АҚШ доллари сўрайди. Аммо мўмай даромад олиш мақсадидаги қинғир режа амалга ошмади», — дейилади телеканал ахборотида.
Прокуратура ва ички ишлар органлари томонидан ҳамкорликда ўтказилган тадбирда Алишер Иминов ашёвий далиллар билан қўлга олинган.
Хабар беришларича, ҳозирги вақтда гумонланувчига нисбатан тегишли моддалар асосида жиноят иши қўзғатилган.
Изоҳ (0)