Ўзбекистондаги илк танк биатлони ўтказишга махсус майдони танк, пиёдалар ва десантчилар жанговар машиналари ҳамда зирҳли транспортёрларда сунъий ҳовуз, миналаштирилган ва манёвр бажариш майдони, танкка қарши чуқур, қўрғон, эскарп (танкка қарши девор), коллеяли кўприк макети ва отиш майдончаси кабилардан ўтишлари учун мўлжалланган тўсиқлардан иборат.
Maxсус танк йўлагининг умумий узунлиги 4200 метр бўлиб, халқаро миқёсда ўтказилувчи танк биатлони майдонлари талабларига жавоб беради. «Машқурилишинвест» компанияси томонидан қурилган майдонда мусобақаларни кузатиш учун 3 қаватли 12 метр баландликдаги минора, ҳарбий техника ва шахсий таркибнинг парадини ўтказиш учун узунлиги 600 ва эни 20 метрли саф майдони мавжуд.
Отиш машқларини бажаришда пушкалар учун тезлиги 1000 м/с дан кам бўлмаган ўқ-дорилардан фойдаланилади. Мусобақанинг амалий босқичи «Якка тартибдаги (индивидуал) пойга» билан бошланади. «Якка тартибдаги (индивидуал) пойга» табиий ва сунъий тўсиқлари мавжуд бўлган, жанговар йўлакча ва отиш учун окоп (майдонча)лар билан жиҳозланган йўналиш бўйича ўтказилади.
Изоҳ (0)