Шу кунгача ота-оналардан турли хил баҳоналар билан пул ундириб юрган Бухоро шаҳридаги 81-сон мактабгача таълим муассасаси мудираси Шоира Атоеванинг қинғир ишларига чек қўйилди, дея хабар бермоқда «Ўзбекистон 24» телеканалининг «Қонун номи билан» дастури.
Прокуратура ва ички ишлар идоралари ходимлари томонидан ўтказилган тадбирда «порахўр мудира» фуқаро Шоира Раҳматовадан 600 минг сўм пулни олаётган вақтида ушланган.
«Икки нафар гўдакни боғчага жойлаштириш учун олинган пул Шоира Атоевага нисбатан Жиноят кодексининг 210-моддаси 1-қисми билан жиноят иши қўзғатилишига асос бўлди», — дейилади кўрсатувда.
Қайд этиш жоиз, кўрсатувдаги лавҳа давомида мудиранинг хонасидаги стол устига териб қўйилган долларлар ҳам кўрсатилган, бироқ уларнинг келиб чиқиш манбаси ҳақида маълумот берилмаган.
Изоҳ (0)