Birinchi qon guruhidagi odamlarda o‘lim xavfi eng yuqori ekanligi aniqlandi
Yaponiyalik olimlar birinchi qon guruhi boshqa qon guruhlariga qaraganda, og‘ir shikastlanishlardan o‘lish xavfining qariyb uch marta oshishi bilan bog‘liq, degan xulosaga keldi. Tadqiqot Critical Care jurnalida chop etildi.
Mutaxassislar erta o‘lim bilan tugovchi yoki uzoq davom etuvchi qayta tiklanishni talab qiluvchi shikastlanishlarni olgan birinchi qon guruhidagi bemorlarning vafoti ehtimoli o‘rtacha 28 foizga tengligini ko‘rsatib berdi. Boshqa qon guruhidagi jabrlanuvchilarda esa bu ko‘rsatkich 11 foizni tashkil etadi.
Olimlar aniqlik kiritishicha, birinchi qon guruhiga tegishli odamlarning qoni boshqa guruhlardagidan yomonroq ivishi tufayli, ularda qon yo‘qotish xavfi yuqoriroq. Bunday holatlar, mutaxassislar fikricha, birinchi guruh qonida fon Villerbrand faktori (qon plazmasi glikoproteini) kam miqdorda bo‘lishi bilan bog‘liq.
