Аввал хабар берилгандик, кеча, 1 май санасида «Реал» «Бавария»ни икки ўйин натижасига ортда қолдириб (2:2, 2:1) Европа Чемпионлар Лигасининг 2017/18 йилги мавсум финалига чиқди.
Шу тариқа 2016 йилнинг 4 январидан бошлаб мадридликлар бош мураббийи сифатида иш бошлаган Зинедин Зидан ЕЧЛда 9 та плей-офф ўйинининг бирортасида мағлуб бўлмади.
45 ёшли француз 2 йил ичида (2016, 2017) 2 марта ЕЧЛ ғолиблигини қўлга киритди ва учинчиси учун катта қадам ташлади. Зидан – «Реал» тарихида жамоани Чемпионлар Лигаси/Кубоги мусобақаси финалига 3 марта олиб чиққан биринчи мутахассис бўлди.
Жамоа қаторасига беш марта Чемпионлар Кубоги (ўш вақтда мусобақа шундай ном билан юритилган) ғолиблигини қўлга киритган йилларда (1956, 1957, 1958, 1959, 1960) жамоани учта турли мураббий бошқарган эди.
Изоҳ (0)