1 май санасида Европа Чемпионлар Лигаси ярим финали доирасида жавоб учрашуви бўлиб ўтди.
Мадридда Зинедин Зидан бошчилигидаги «Реал» жамоаси Мюнхеннинг «Бавария»сини қабул қилди. Жамоаларнинг дастлабки ўйинида 2:1 ҳисобида мадридликларнинг қўли баланд келган эди. Жавоб учрашуви ҳам ўтган ўйиндаги сценарий каби бошланди. Ўйиннинг 3-дақиқасида Жошуа Киммих гол киритиб, «Бавария»ни ҳисобда олдинга олиб чиқди. Аммо 11-дақиқага келиб, Карим Бензема ҳисобни тенглаштирди. Биринчи бўлим 1:1 ҳисобида якунланди.
Иккинчи бўлим аввалида «Бавария» дарвозабони Ульрайх хатога йўл қўйди. Хатодан эса Карим Бензема унумли фойдаланиб, мадридликларни ҳисобда олдинга олиб чиқди. 63-дақиқада трансфер ҳуқуқи «Реал»га тегишли, аммо ижара асосида Мюнхен клубида тўп сураётган Хамес гол уриб, ҳисобни тенглаштирди. Шу ҳисоб ўйин охирига қадар ўзгармай қолди.
Шу тариқа «Реал» кетма-кет учинчи йил Европа Чемпионлар Лигаси финалида ўйнайдиган бўлди. Мадридликлар эртага «Рома» — «Ливерпуль» учрашувидан сўнг финалдаги рақибини билиб олади.
Европа Чемпионлар Лигаси
Ярим финал жавоб учрашуви
1 май, сешанба
«Реал Мадрид» — «Бавария» 2:2
Голлар: 0:1 – 3 Киммих, 1:1 – 11 Бензема, 2:1 – 46 Бензема, 2:2 – 63 Хамес.«Реал Мадрид»: Навас, Рамос, Варан, Марсело, Модрич, Васкес, Асенсио (Начо, 88), Ковачич (Каземиро, 73), Кроос, Бензема (Бэйл, 72), Роналду.
«Бавария»: Ульрайх, Хуммельс, Зюле, Алаба, Толиссо (Вагнер, 75), Киммих, Хамес (Мартинес, 84), Aлькантара, Рибери, Левандовски, Мюллер.
Огоҳлантиришлар: Модрич (62), Васкес (65), Варан (88), Каземиро (89).
Биринчи учрашув 2:1
Изоҳ (0)