Бугун Муҳаммад Салоҳ жамоадошлари Римда «Рома»га қарши финал йўлланмаси учун жанг қилади

Кеча, 1 май санасида Зинедин Зидан бошчилигидаги «Реал» Мюнхеннинг «Бавария»сини икки ўйин натижасига кўра мағлуб этиб, Европа Чемпионлар Лигаси финалига йўл олди.

Бугун эса финалнинг иккинчи иштирокчиси номи Римда маълум бўлади. Дастлабки ўйинда меҳмонда 2:5 ҳисобида Муҳаммад Салоҳ бошчилигидаги «Ливерпуль»га имкониятни бой берган Римнинг «Рома»си чорак финалда «Барселона»га қарши амалга оширган камбэкни «мерсисайдликлар» билан жавоб ўйинида қайтаришга ҳаракат қилиб кўради.

Учрашув 23:45 да бошланиши белгиланган.