Тошкент молия институти «Чет тиллари» кафедраси томонидан 2017—2021 йилларда Ўзбелистон Республикасини ривожлантиришнинг 5 та устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб қувватлаш» йили Давлат дастури ижроси юзасидан амалга ошириладиган ишлар тўғрисидаги давра суҳбати ташкил этилди. Бу ҳақда молия институти матбуот хизмати «Дарё»га хабар бермоқда.
Ушбу давра суҳбатига Ҳаракатлар стратегияси маркази бош координатори Шерзод Сапаров таклиф қилинди. Шерзод Сапаров йиғилган давра иштирокчиларига Ўзбекистон Республикасини ривожлантиришнинг 5 та устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб- қувватлаш» йили Давлат дастури юзасидан саволлар бериб, иштирокчиларнинг бу ҳақида етарли билимга эга эканликларидан хурсанд бўлди.
Бугунги кунда Ўзбекистон Республикасида жорий қилинаётган қонун ва фармонлар махсус сайтларга қўйилаётганлиги ва умумхалқ фикри, халқ томонидан берилаётган таклифлар инобатга олинаётганлигини такидлади.
Суҳбат сўнггида профессор-ўқитувчилар ва талабалар бугунги давлат сиёсати, Давлат дастурини амалга ошириш бўйича қилинаётган ишлар, қонунчиликка киритилаётган янги ислоҳотлар тўғрисидаги ўзларини қизиқтирган барча саволларга жавоб олди.
Изоҳ (0)