30 апрель, душанба куни эрталаб ИШИД террорчилик ташкилоти Кобулдаги портлашлар учун масъулиятни ўз бўйнига олди. Бу ҳақда AFP’га таяниб, «Корреспондент.net» хабар берди.
Сўнгги маълумотларга қараганада, теракт оқибатида ҳалок бўлганлар сони 29 тага етган, 40 дан ортиқ киши яраланган.
Портлашлар Кобулда 30 апрель куни эрталаб содир этилган. Полиция маълумотларига асосан, биринчи портлашни мотоциклдаги террорчи худкуш амалга оширган.
Иккинчи портлаш ўша ҳудудда, биринчисидан таҳминан 20 дақиқадан сўнг содир этилган. Бу вақтда журналистлар ва шошилинч хизмат ходимлари воқеа жойига келиб бўлганди. Иккинчи портлашни ҳам террорчи худкуш содир этган.
Иккинчи портлаш оқибатида 7 нафар журналист, жумладан, AFP агентлигининг сураткаши ҳам ҳалок бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)