Ўзбекистон Миллий телерадиокомпаниясининг медиамарказида 21 апрель куни ўт ўчирувчилар билан учрашув бўлиб ўтди, дея хабар бермоқда Тошкент шаҳар ИИББ матбуот хизмати.
Учрашувда ёнғин хавфсизлиги бўлинмаси ходимлари томонидан маскан ишчи ва хизматчилари ўртасида ёнғинларнинг олдини олиш, уларнинг келиб чиқиши сабаблари, ёнғин содир бўлган ҳолатларда тўғри ҳаракат қилиш, товар-моддий бойликларини ёнғиндан ҳимоя қилиш бўйича тушунтириш ва тарғибот ишлари олиб борилди.
«Учрашув давомида йиғилиш қатнашчиларига бирламчи ёнғин ўчириш воситаларидан фойдаланиш кўрсатиб берилди, медиамарказ ходимларининг ёнғин хавфсизлигини таъминлаш йўналишидаги барча саволларга жавоб берилди», — дейилади расмий ахборотда.
Қайд этишларича, мазкур учрашув Ўзбекистон Президентининг 2017 йил 23 майдаги «Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида»ги қарори 6-банди ижроси доирасида бўлиб ўтган.
Изоҳ (0)