Жума намози пайтида Ўзбекистоннинг барча ҳудудларида, айниқса, катта кўчаларда тирбандликларнинг кучайиб кетаётгани — бор ҳолат, дея хабар бермоқда «Ёшлар» телеканалининг «Давр» информацион дастури.
«Биз бундай жараёнга Тошкент шаҳридаги Шайх Зайниддин жомеъси — халқ тилида Кўкча деб аталадиган масжид ёнидаги йўл ва унга туташ чорраҳада гувоҳ бўлдик. Ҳафтанинг ҳар жума куни мазкур ҳудудда соат 12:00 дан бошлаб машина йиғилади...Бироқ, жума намози ўқиладиган 13:00 дан 13:30 гача бўлган вақт оралиғида масжид атрофида транспорт воситасида ҳаракатланиш жуда қийинлашади», — дейди телеканал мухбири.
Мухбирлар масжид яқинида хизмат ўтаётган йўл назоратчиларининг фикри билан ҳам қизиққан. Улардан бири: «Аслида ҳаққим бўлса ҳам, ибодатга тўсқинлик қилаётгандек бўлмай деб, қонуний чора кўрмайман», — деб айтган. Лавҳа давомида намоздан аввалроқ ичкари тураргоҳга қўйиб, сўнг машиналар қуршовида қолиб кетган чорасиз ҳайдовчи ҳам кўрсатилган.
«Ҳувайдо» жомеъ масжиди имом-хатиби Муродилла Хушназаровнинг сўзларига кўра, машиналарни бошқалар ўтадиган жойда қолдириб кетиш бировнинг ҳақини ейиш билан тенг.
Машинани узоқроқда қолдириб, намозга пиёда келса, бунинг савоби ортиқ бўлади. Масжидга пиёда келаётганларнинг ҳар бир қадамига фаришталар савоб ёзар экан. Пайғамбаримиз (с.а.в.)нинг «Биринчи қадами билан ўтган гуноҳларига мағфират бўлади, иккинчи қадами билан Аллоҳнинг ҳузуридаги мартабаси юқори бўлади», деган ваъдалари бор.«Давр» мухбири лавҳа давомида, жумладан, шундай дейди: «Тўрт мучаси соғ бўлган ёш йигитлар ҳам имкон даражасида масжиднинг эшигигача машинада келишга уринади. Уларнинг бу ҳаракатлари бир беморга тез ёрдам, бир ёнғинга кўмак кечикишига сабаб бўлиши мумкин. Бунинг гуноҳи эса истаб келган савобимиздан кам бўлмаса керак».Муродилла Хушназаров, «Хувайдо» жомеъ масжиди имом-хатиби
Қайд этиш жоиз, «Давр»нинг лавҳасида аксарият масжидлар атрофида автотураргоҳлар назарда тутилмагани, автотураргоҳи борларида ҳам сиғим нисбатан кичиклиги масаласида бирор фикр ё таклиф билдирилмаган.
Изоҳ (0)