Андижон вилояти Хўжаобод туманида яшовчи эркак бир фарзанди учун алимент тўлашдан қутулмоқчи бўлиб, собиқ турмуш ўртоғини ўлдириб қўйди. Бу ҳақда «Ўзбекистон 24» телеканалининг «Тезкор хабарлар» дастурида маълум қилинди.
Хўжаободлик Абдуллажон Усмонов турмуш ўртоғи Мафтуна Усмонова билан оилавий низолар сабаб алоҳида яшаб келишаётган эди. Абдуллажон рафиқаси билан ярашиб, бир нафар фарзанди учун алимент тўлашни бекор қилиш мақсадида Мафтуна яшаётган хонадонга боради.Хабар беришларича, ҳозирда ушбу жиноят иши бўйича тергов ҳаракатлари давом эттирилмоқда.Аёлига ўз ниятини билдиради. Мафтуна унинг бу таклифини қабул қилмайди. Бундан жаҳли чиққан Абдуллажон хўжалик пичоғи билан Мафтунанинг юраги ва чап елкасига уриб, уни ўлдиради.
Аслида Абдуллажоннинг оиласи билан яшаш нияти йўқ эди. У фақат ўзининг ёлғизгина зурриёди учун алимент тўлашдан воз кечишни мақсад қилганди. Унинг қотиллиги сабаб бир аёл нобуд бўлди, гўдак болага эса етимлик қисмати битилди.
«Тезкор хабарлар» дастурида ўқиб эшиттирилган матндан
Изоҳ (0)