Ўзбекистоннинг заиф эшитувчилар терма жамоаси Осиё чемпионатида иштирок этиш учун кеча, 23 апрель тунида Жанубий Кореяга йўл олди, деб хабар беради ЎФА матбуот хизмати.
Жанубий Кореянинг Чангвун шаҳрида 23 апрелдан 6 майга қадар 4-Осиё чемпионати бўлиб ўтади. Ўтган йил Таиландда Жаҳон чемпионлигига эришган Ўзбекистоннинг заиф эшитувчилар терма жамоаси энди Осиё чемпионлиги учун курашади.
Муроджон Аҳмедов бошчилигида Тошкентда 12 апрелдан йиғинга киришган терма жамоага ЎФА томонидан барча шароитлар яратиб берилди. Жумладан, терма жамоаси аъзолари учун ташкилот томонидан спорт экипировкалари тақдим этилди.
Жанубий Корея визаси билан боғлиқ масалалар ҳал қилинган ҳолда, Тошкент—Сеул—Чангвун йўналиши бўйлаб авиачипталар харид қилинди. Терма жамоа аъзолари «Чиғатой» спорт базасида яшаб, «Бунёдкор» стадионида икки маҳал машғулот олиб борди, дейилади хабарда.
4-Осиё чемпионатига йўл олган Ўзбекистон терма жамоаси аъзолари рўйхати:
- Ҳаким Аҳмедов
- Темирмалик Турсунов
- Миразамат Обидов
- Рустамбек Ғоипов
- Жалолиддин Собитбеков
- Жалолиддин Қаршиев
- Рустам Бердиев
- Суҳбатжон Ҳасанбоев
- Диёр Муродов
- Мирзабек Икрамов
- Саидбек Ёқубжонов
- Баҳром Садиуаххасов
- Нуриддин Бойтўраев
- Фаиг Мамедов
- Акмал Абдулакимов
- Анвар Абдураҳмонов
- Миркамол Агзамов
- Муроджон Аҳмедов (Ўйновчи мураббий)
Изоҳ (0)