Sport-TV техника етишмаслиги туфайли «Нефтчи» — «Металлург», «Бухоро» — «Қизилқум» учрашувларини жонли трансляция қилмайдиган бўлди

Бугун, 24 апрель санасида футбол бўйича Ўзбекистон Суперлигасининг 8-тур баҳслари бошланиши ҳақида хабар берилган эди.

Кун тақвимидан ўрин олган 2 учрашув — «Нефтчи» — «Металлург» ҳамда «Бухоро» — «Қизилқум» учрашувлар Sport-TV телеканали томонидан жонли эфирда намойиш этилмайди. Бу ҳақда «Чампионат.ациа» нашри хабар берди.

Бунга асосий сабаб техника етишмаслигидир. Шунингдек, айни кунларда Урганчда Оғир атлетика бўйича Осиё чемпионати бўлиб ўтмоқда. Кўплаб техникалар шу мусобақани ёритишга қаратилган. Бундан ташқари Туркманистон президентининг Ўзбекистонга ташрифи давом этмоқда. Шу боис Суперлига баҳслари бугун ёзиб олинган ҳолда кечки эфирларда эфирга узатилади, дейилади хабарда.